'Levent gait deur'

Grunneger kerkdainst in Amsterdam zundag 28 oktober 2012 um 10.30 uur in Olle Lutherse Kerke aan t Spui

Horizunne Dollert, schilderd deur Tity Maat

Op zundag 28 oktober 2012 ist weer zo wied. Veur zesde keer Grunneger kerkdaainst in Olle Lutherse Kerke in Amsterdam. t Gait dizze raaize over ‘zeun van hoge amtenoar’ (Joh. 4: 46 e.w). Thema: ‘Levent gait deur’. Dainst wordt laaid deur doomnee Harry Donga. Kinder lezen veur oet nije Grunneger Kinderprentenbiebel. En dij kìn ook kocht worden net as t nije Grunneger Dagbouk. Het Simchakoor oet Niekerk/Oldekerk u.l.v. Catrien de Boer zingt en Christiaan de Vries speult örgel. Wie goan mit buultje rond veur t Wereldhoes www.wereldhuis.org en onkosten van dainst. Vanzulfs is der noa dainst kovvie en kouke en zingve t Grunnegs volkslaid. Veur en noa dainst kìn je kunst bekieken. Daamster kunstenoares Tity Maat komt heur kleurige schilderijen van Grunneger landschappen tentoonstellen. www.titymaat.nl

Wie nuigen elk en aine dij wat mit Grunnen het, netgliek van welke richten ie binnen (gain richten is ook goud), um dainst te bezuiken. En wie vroagen joe –as woare ambassadeurs van dizze dainsten- um t wieder te vertellen. Den kriegve wizze allerdeegs balkons van kerke vol.

Alles op n riegje:
Doatum:          Zundag 28 oktober 2012
Tied:                10.30 uur (um 10.00 uur is kerke al open)
Stee:               Olle Lutherse Kerke, aan t Spui in Amsterdam (Singel 411)
Der is n crèche dus t lutje goud kìn ook mit.

Tram 1,2,5 stoppen bie halte Spui en tram 4,9,14,16,24,25 bie halte Spui/Rokin.

Meer waiten? Even mailen, schrieven of bellen noar t regelplougke p/a Lutherse Diaconie in Amsterdam, Hanne Wilzing: h.wilzing@diaconie.com, Maasstraat 148, 1079 BK  Amsterdam. Tel. 020 4044708 of 06 51340442.  www.luthersamsterdam.nl  www.diaconie.com